صور 2017
  #1  
مدير عام
 
تاريخ التسجيل: Apr 2014
المشاركات: 10,083
افتراضي طريقة عمل البيتزا مع كل تكاتها وحركاتها بالتفصيل

طريقة عمل البيتزا مع كل تكاتها وحركاتها بالتفصيل

طريقة عمل البيتزا مع كل تكاتها وحركاتها بالتفصيل

المقادير :
مقادير العجينة

1 كيلو دقيق (1000جم) (انصحكم باستخدام دقيق البيتزا ابو كيس أحمر ماركة الخمس نجوم Five Stars)
1 م ص خميرة فورية (او 5 جرام خميرة طازجة)
1 م ك ملح ناعم
2 م ك زيت زيتون (+ ملعقتين لدهان وش البيتزا)
590جم ماء
مقادير الصلصة

برطمان صلصة طماطم 320جم (احسن ماركة انصح بها اسمها جاردينو Giardino ) نفتح الربطمان وناخذ منه ونحط على البيتزا مباشرة بدون أى اضافات – وندهن وش البيتزا صلصة باستخدام فرشاة سليكون
الجبنة المبشورة

500جم جبنة شيدر مبشورة (اما الموزريللا فى مصر فهى بلا طعم ولا انصح باستخدامها على الاطلاق)
لو عايزين نوفر فى التكاليف ممكن نستخدم 300جم فقط – بس نترك اطراف البيتزا بدون جبنة – بكدة حتبقى الجبنة بتركيز عالى برضه فى البيتزا كلها ماعدا الاطراف
نرش رشة ملح (ربع م ص) ونقلبها مع الجبنة

الطريقة:
الطريقة

نقلب مكونات العجينة الجافة: الدقيق مع الخميرة والسكر والملح ونخلطهم ببعض كويس فى طبق واسع بحجم طبق الغسيل
نعمل فى الدقيق حفرة فى منتصف الطبق على شكل دائرة كبيرة – نصب فيها الزيت وبعدين نصب الماء عليه
نقلب الاول بمعلقة كبيرة – بحيث نقلب الدقيق القريب من حفرة الماء اولا ثم نضيف دقيق من الحواف بالتدريج حتى يختلط كل الدقيق بالماء – ونعجبنها قيلا داخل الطبق لامتصاص كل الدقيق
نصب العجينة على رخامة المطبخ ونعجن بايدينا بضع دقائق لغاية كل الدقيق ما يدخل فى العجينة
نترك العجينة تهدا 5 دقائق حتى تمتص الماء – وبعدين نعجن تانى من جديد – حنلاحظ انها مابقتش تلزق فى ايدينا
نعجن حوالى 5 دقائق – وبعدين نقسم العجينة 4 اجزاء متساوية – انا باقسمها 2 عشان باستخدم صوانى كبيرة قطر 42سم
نشكل كل قطعة على شكل كرة
نضع قليل من الزيت فى قعر علب بلاستيك دائرية غويطة حجمها ضعف حجم كرة العجين على الاقل – ثم نضع كل كرة عجين فى طبق – ونمسك الطبق ونحركه حركة دائرية عشان الزيت يدهن كل اجناب العجينة – وبعدين نقلب كرة العجين على ظهرها برفعها فى الهواء – ونكرر كمان مرة
نضع علب العجينة فى الثلاجة لمدة 48 ساعة (يومين) – اول ساعتين او ثلاثة بدون غطاء عشان العجينة تبرد أسرع – وبعدين نغطي العلب
بعد مرور يومين نخرج اطباق العجينة من الثلاجة ونتركها فى المطبخ حتى تهدأ برودتها – حوالى ساعتين – اما اذا كانت لم يتضاعف حجمها فى الثلاجة نتركها ساعات اكثر على المطبخ حتى تتضاعف
نرش شوية سميد بسبوسة فى قعر الصوانى وبعدين نقلب العجينة فى الصوانى – نفردها فى البداية بصوابع ايدينا فقط – وبعدين بكفى ايدينا نضغط ونسحبها على برة لغاية ما تملا الصينية بالتدريج – من غير ما ندوس على أطرافها – يعنى نفرد من جوة لبرة ماعدا اطرافها نسيبها عالية – بحيث تتكون شفة دائرية مرتفعة قليلا عند اطرافها
نشعل الفرن فاضى على أعلى درجة لمدة نصف ساعة لاحمائه
نستخدم فرشاة نغمسها فى قليل من زيت الزيتون وندهن بها وجة العجينة واطرافها
نفرد الصلصة على وش العجينة بنفس بالفرشاه
نرش الجبنة المبشورة – ولو عاوزين شكل خطير للطروف نرش عليها قليل من الجبنة – حتسيح وتحمر وتعطى شكل البيتزات المميزة
نضع الاضافات اللى بنفضلها – البيتزا بتقبل أى حاجة بس بشرط تكون الاضافات أيا كان نوعها بكميات بسيطة جدا – متناثرة هنا وهناك – مع فراغات بينهم بدون أى اضافات – عشان الطعم الاصلى للبيتزا (الصلصة والجبنة) يوصل للى بياكل – لو كترنا حيبقى طعمها سندوتشات مش بيتزا – اليكم بعض الامثلة..
بيتزا خضروات (طماطم وبصل وفلفل رومى مقطعين رفيع – وقطع زيتون بعد نزع بذره – لا تشتروا زيتون حلقات لانه بيكون فقد طعامته – احسن حاجة زيتون صحيح تخلوه بنفسكم ببذارة او عن طريق الضغط عليه عشان يتفتح ونخرج البذر بسهولة – بس اهم حاجة نعمل كدة فى طبق عشان عصارة الزيتون اللى حتنقط دى نخلطها بالاضافات – بتعطى طعامة خطيرة للبيتزا)
بيتزا فرانكفورتر دجاج او هوت دوج دجاج: نقطعها شرائح رفيعة جدا او مكعبات صغيرة مع نفس الخضروات السابقة
بيتزا بالبسطرمة: شرائح رقيقة من البسطرمة نقطعها ونضيف لها الخضروات نفسها
بيتزا بالتونة (تونة مفتتة وقطع زيتون اسود منزوع البذر نقلبهم فى نفس طبق اللى كان فيه حلقات الخضروات بعد ما استخدمناها – للاستفادة من العصارة المتبقية منهم وتقليبهم مع التونة وقطع الزيتون + عصارة الزيتون طبعا اللى نزلت منه اثناء فتحه لاخراج البذر منه)
بيتزا مرجريتا عبارة عن صلصة وجبنة فقط – ودى البيتزا المفضلة لى ولولادى – فهى أحلى طعم للبيتزا بدون أى اضافات – فقط صلصة وجبنة لاغير
ندخل أول صينية بيتزا على الرف السفلى فى الفرن الحامى
بعد مرور 6 دقائق نفتح الفرن ونلف الصينية بسرعة 180 درجة بحيث نصفها الامامى يبقى فى الخلف والخلفى يبقى فى الامام – ونغلق الفرن بسرعة حتى لا تهرب الحرارة ونتركها فى الفرن 5 دقائق أخرى – يعنى اجمالى 11 دقيقة
نخرج الصينية وننقل البيتزا من الصينية الى شبكة تهوية على أى حاجة مرتفعة عن رخامة المطبخ ونتركها 10 دقائق عشان تتهوى وبخار الماء يخرج فتبقى هشة ومقرمشة من تحت – بدون تهوية القعر حيبقى طرى ومبلول شوية عشان بخار الماء ما خرجش من تحت
نقطعها 8 مثلثات
تقدم ساخنة
وبالف هنا وشفا




'vdrm ulg hgfdj.h lu ;g j;hjih ,pv;hjih fhgjtwdg fhgjtwdg j;hjih ,pv;hjih

رد مع اقتباس
إضافة رد

الكلمات الدليلية (Tags)
البيتزا, بالتفصيل, تكاتها, وحركاتها, طريقة

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
طريقة عمل البيتزا وعجينة العشر دقايق , بيتزا بالتفصيل خطوة بخطوة fbimages طبخ - حلويات - Cooking 0 02-17-2016 07:00 AM
بالصور طريقة تطبيق فوق السفرة , طريقة طي و تقديم شراشف المائدة بالتفصيل fbimages اشغال يدوية - تدبير منزلي 0 10-21-2015 07:39 AM
البيتزا , طريقة عمل البيتزا من طقطق لسلام عليكم , بيتزا شهية تكفي مية fbimages طبخ - حلويات - Cooking 1 01-18-2015 06:25 PM
طريقة عمل بيتزا سريعه , البيتزا الكاذبة بالصور خطوة بخطوة fbimages طبخ - حلويات - Cooking 1 01-15-2015 06:40 PM
طريقة عمل البيتزا بالصور , ملف كامل للبيتزا جميع الانواع , طريقتي في عمل البيتزا fbimages طبخ - حلويات - Cooking 4 01-14-2015 10:39 PM

سياسة الخصوصية  Privacy Policy

القسم الاسلامي اخبار مصر تفسير الاحلام صور جديدة صور فيس بوك خلفيات للموبايل رسائل حب برودكاست توبيكات واتس اب ازياء ديكور طبخ اشغال يدوية صحة المرأة نكت مضحكة اشعار قصص روايات قصص اطفال قصص مصورة كرتون

كورة


الساعة الآن 05:52 AM


Powered by vBulletin™ Version 3.8.7
Copyright © 2016 vBulletin Solutions, Inc. All rights reserved.
Content Relevant URLs by vBSEO