صور 2017
  #1  
مدير عام
 
تاريخ التسجيل: Apr 2014
المشاركات: 10,142
افتراضي اشعار خليجية حلوة ولا اجمل , احاسيس راقية

يا راعي العليـا زبـون المعيثيـر
ياللي خذيت من المعاريف عالـي
إخذ القصيده دون رصف وتصاوير
الحاله اكبر مـن كثيـر الخيالـي
انشدك ..لا شاهت وجيه الجماهير
وطّرت جيوبي وانتكس كل غالـي
انشدك ..لو بانت جميع المعاذيـر
وأنسب عذر من قبل الأيام بالـي
وش عاد يجبرني أعد المخاسير !؟
واقعد على جور المليلـه لحالـي
المنتدى لو يجزي الخيـر بالخيـر
كان اعترفنا مـن قديـم الليالـي
ماكل ثوب ٍ لو نزحته عن الكيـر
يبقى من بثور العذاريـب خالـي!
العش طاح ولا درى عنـه الطيـر
ياليت يدري فـي نهايـة مقالـي


هجير يانسل ... الرجـال المناعيـر
يالصاحب اللي ... خصّني واشتكالي
هاك الجواب وسابقـه عـذر تأخيـر
من هاجسٍ بالراس جـال اجتوالـي
يالحر يالصنديد ... ريف الخطاطيـر
عون الرفيق اللي به الوقـت مالـي
اهلاً هلابك ... عد وبـل المعاصيـر
واعـداد حبـاة الحصـى والرمالـي
ياللي جوابك مثـل ... در المباكيـر
حالي حـلا حِليـاك حلـو إِيحلالـي
ياصاحبي حذراك... لا تكشف البيـر
يصبح هماجٍ ... عقب ما هو ازلالـي
ما كل سيف ... امن السيوف البواتير
ولا كل رجلٍ ... من حساب الرجالي
ولا كل طيـرٍ... برقعـوه الصقاقيـر
ولا كل هرجٍ ... لو سمعتـه يقالـي
ما يطيّح الأغصـان كثـر العصافيـر
وحشو الزلق مـا تقتـرب للجمالـي
لا تشيل هم ... وخلْ عنك التفاكيـر
ترى الزمن مثـل الرشـا بالمحالـي
ياقدرة الله بيـن ... وِرد ومصاديـر
والدار ندري ... كل ابوهـا هيالـي
ما أقول لك بختامها يالخـوي غيـر
عسى السعاده ... دوم فالـك وفالـي

رميـت مـن زود الأسـى منديلـه
وبليت عيني من الأمل يـوم أقفـى
قلت :‘ الأمور ختامها ‘ وعزي لـه
اللي طعنـي وخنجـره مـا تشفـى
يعني عشاني ما قدرت اشكـي لـه!
وإلا عشاني من البشر فـي منفـى!
لابـوك يـا جـرح الـوداع الليلـه
ولا بو حيـاة زلالهـا مـا يصفـى
إحتلت ‘‘ ما شفـت بيدينـي حيلـه
أخاف دمعي من البشر مـا يخفـى
ليته جحد قلبي قبـل مـا اجـي لـه
ماخذ عليـه مـن اللقـى والملفـى
شفني ..وآنا عد الصور واللي لـه
وأنثر همـوم خيانتـه ليـن أغفـى
أقــول يالله ترحـمـه وتعيـلـه
اللي عطانـي مـن حياتـه زلفـى
يوم ٍ صـدري لا بغـى يـاوي لـه
تدفاه عيني ولا دفـت لـي ‘ يدفـى
ما شاف عيني من رحل تبكي لـه !
تقضب لساني من نقيصة ‘‘ تكفى‘‘‘

باسـم الـذي يغشـى نهـاره ليـلـه
اللي عطـى الساعـي جـزاه واوفـى
الواحد اللـي مـا بخـس مـن كيلـه
هو خيـر معبـودن تجـاوز وأعفـى
ومن بعد ذكره حيّ مـن نصغـي لـه
الصاحب اللـي بالشعـر لـه وصفـى
بيطار .. وزن .. إيقاعه .. وتفعيلـه
طرق الشعر ... هو عالمه ... والمرفى
راع الوفـاء لابـد مـا نوفـي لــه
حتى لـو انعسـف القوافـي عسفـى
ملاّ مشالـك ..وش تبـي تمشـي لـه
مادام غض الطرف ... غِض الطرفـى
بعض العـرب مـا يفيـد بـه تدليلـه
مهما تغاضى عن ... خطـاه وترفـى
من لا يـودك صـد .. لوتدعـي لـه
خلّـه ... ودورات الليـالـي تلـفـى
بـاب الأمــل رده ... ولا تقفيـلـه
إن كان ... لـه عنـدك بقايـا ولفـى
والهرج: قصره خير من ... تطويلـه
طبـع البشـر ياصاحبـي مختلـفـى

لو للشقى يا راعي العرف قيمه
ما هز كفي غير يمنى سمّـوك
ما ساق رب البيت للقاع ديمه
إلا وعيني تعتلي مـن علـوك
لا والله أبطي ما تقفّرت شيمـه
وانته على حد السحايب وتوّك

اطلب ولي العرش صبر وعزيمه
في كل فرضٍ تستبق له وضوّك
ترى الصبر مفتاح خير وغنيمـه
حذرا الحزن يطغى على كل جوّك
دام النوايـا يارفيقـي سليـمـه
ما تحجب الغدرا سنا ضوح ضوّك

ياغازي الصبح انتصب بالهم والساعـه فجـر
خمسه بتوقيت ام القرى وام القرى بأشعابها ..
صبوح لا خذته شراب اقدع من ارياقه صبـر
و أبل عيني بالرجا واخنـق غزيـر اهدابهـا
لا الضوء ينزع وحشتي والعمر ما كنه عمـر
كنه غريب من السفر يـوم السكـك بأحبابهـا
إقلط على آخر هقوتي وتشوف مرباعي قهـر
بيـن السنيـن الخايبـه بأنيابهـا وذيابـهـا
تعال قلبي لا برك- نائي- مثل جلسـة عصـر
يقرى تفاصيل الزمن يوم انسـدح بغيابهـا..
وش حدني للمر عام إلا الأمـر منـه وأمـر..
يوم إن حلاة أعمارنا في عـز جـود اتعابهـا
هذا وانا اللي لا جسد لا روح لا نفـس وفكـر
كني رياح من الزمـن يـوم القـدر سّرابهـا

يا صالح اصبر واحتسب والرب يكتب لك أجر
في ساعة دنيا الفنى يطـوى سجـل كتابهـا
عمر الفتى يا صاحبي لو طـال مـردّه قبـر
ومن بعدها عند الولي كل نفس تلقى حسابهـا
دنياك مادامت لأحد..من يوم فيـه آدم ظهـر
ولا أنت الوحيد بدنيته ... من أكشفت له نابها
كم واحدٍ همّه نمـا فـي داخلـه كنّـه قعـر
أليا ارتمت به حاجةٍ ... محد(ن) وصلها جابها
مثلك تجرعت الألم .. ياكم سمر حالي سمـر
ارجي الليالي المقبلة ... للفرح تفتـح بابهـا
وش الحياة بلا أمل ؟! قطرة نـدى ولا جمـر
وأنت الخبير وكلمتك ما قد جهِلْـت إعرابهـا
عيش التفاؤل بالحياة إذا تبي تقطـف زهـر
ودنيا الشقى يا صاحبي حذراك لا تشقا بهـا

من عادني صغير وانا ما احتري حاجه ‘‘
إن ما لفتني بكيت وقلت ما ابيها ‘‘
والحين صارت هموم الناس دواجه
ما ابكي عليها ولكن ودي أبكيها ‘‘
يالغالي اللي رقيت حماه وسياجه
ما كل عله حنان الغيد يشفيها ‘‘
وجه الزمن في رفيقك قطّب حجاجه
مليون حاجه عجزت آصل موانيها ‘‘
يزداد عمري ووضعي يكثر احراجه
ما كان هذا عشم عيني بماضيها
لو نلت قصر الغريم وعرشه وتاجه
ما اخذت قسمي من الدنيا ولياليها
ودي ابوح لصخب دنياي وازعاجه
عن سر صمت المداين في ضواحيها
عن همس صاير سجين ارواح‘ وافراجه
جنحان ذيك الفراشه‘ في تعليها
وسيع باب الهوى في الحلم وقراجه
ولا فقت‘ يخلف عروقي في محانيها
بحق منهو تجيه الناس حجاجه
هل ودك أسفح دموع الغيظ وأبكيها !
اللي قريته مهو بواقع من انتاجه
لا هد ناب الحقيقه قام يمحيها
من منطلق كل: من ناجاك قم ناجه
ياليت كلمة هجير الود توحيها
ما ابكي على اللي يموت إن مات بخداجه
أبكي على رجال شالت حمل أهاليها
وما ابكي على اللي حرمني شوفة سراجه
أبكي على مصافح اليمنى ومغليها
شرواك يالي كثير الناس تحتاجه
راع ِ اوله من عشت ‘ والعليات راعيها

يا الله ياللي بيدك البأس وعلاجه
ياخالقٍ كل هالدنيا وما فيها
يارافع السبع مجري الفلك وابراجه
يا باسطٍ سبع نمشي في نواحِيها
خلاّق الإنسان ... كاشف نطفة امشاجه
جلّت آسماك وصِفاتك في تعاليها
انجيت موسى بعصا ... من بحر وآمواجه
ابقدرتك .. واغرقت اعصاة واليها
اسريت بالمصطفى وأثبت معراجه
وولّيت وجهه لقبلة وإنت راضيها
واكملت دينه وهديه بيّن انهاجه
في محكْماتٍ ... سليم العقل واعيها
لك الخلايق بكل اوقات محتاجه
ياواحد(ن) علّم ... آدم كل آساميها
وخلاف ذا والزمن ... معروف مِزْلاجه
دنياك ياصاحبي ما دام حاليها
ما كنّها إلا كما دولاب درّاجه
واللي كتبه الولي للخلق واطيها
فيها الغني من ازلها وفيه حوّاجه
ناس بنعيمٍ ... وناس البين طاويها
فيها هلْ الطيب وايضا ناس هرّاجه
اللي على الناقصه تتعِب خطاويها
وفيها اللي للمرجله والعرف سهّاجه
ما كنّها إلا المواشي في مفاليها
فيها مركوب الشداد ... وراكب احداجه
وفيها حفاةٍ من الرمضا مواطيها
ولولا الكرم والوفاء ... والكرب والحاجه
ياكثر من بالبشر تجْهل مباديها!
والعبد مقسوم رزقه ياصل اوداجه
وارزاق كل الخلايق عند محصيها
اللي انكتب لك يجي مضمونٍ إدراجه
واللي لغيرك ايدينك ما يواليها
وشرواك هجير يعرف ... درب منهاجه
حفيد من ترتوي ... عطشا ضواميها
قومٍ لجم الموارد ... دوم هدّاجه
ما تارد الطْرق ... تشرب عذب صافيها
لو إنها بالوغى ... للدم مجّاجه
تبيع الأرواح يوم ( .... ) تشريها
شف الجبل راسخٍ؟! ... والريح ما عاجه
يالحر وهي طايره ... تفهم معانيها!

لو غاب عن عيني صـداك وكلامـك
أحسن لي أقضب ما معي عنك وارتاح
شفت العيون اللـي تحـرّى سلامـك
هذي عيون اللي له شهور ما انـزاح
ولو قالوا إن الطيب يالطيـب سامـك
من يشتريك ؟ وكل خلق الله أشبـاح!
من جيت لك ما جيت لأكتب علامـك
أنت الوحيد اللي على الدرب سبـاح
الله يقـدر مـن يـقـدر مقـامـك
والله يعين اللي بمـا فيـه نضـاح !

أنت الذي للطيب يلمـع حسامـك
لو تنبذه يمناك .. بين الملا طـاح
ورث الجدود ومن خوال وعمامـك
ما كنّه إلا براحة ايديـك مسبـاح
لو له وسام(ن) كان يمنح وسامـك
ما هو وسام اللي يحسّب بالأرباح!
عسى الولي يوصلك غاية مرامـك
وتعيش عمرك وين مارحت؟ مرتاح
والله يلوم اللي ... مع الوقت لامك
يالعود الأزرق بأحلى الأطياب فوّاح



hauhv ogd[dm pg,m ,gh h[lg < hphsds vhrdm hphsds hauhv ogd[dm pg,m

رد مع اقتباس
إضافة رد

الكلمات الدليلية (Tags)
اجمل, احاسيس, اشعار, خليجية, حلوة, راقية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اشعار راقية للعيد , اجمل شعر عن العيد , اشعار في بهجة العيد للحبيب fbimages اشعار - قصص - روايات 1 06-24-2016 04:43 PM
اشعار خالد الفيصل عن العيد , احلى شعر رومانسي للعيد , احاسيس عيدك حبيبي fbimages اشعار - قصص - روايات 1 06-24-2016 04:42 PM
نكت جديدة حلوة , نكت خليجية في الجول , نكت مضحكه جدا جدا fbimages نكت مضحكة - نكت مصرية - jokes 0 07-21-2015 12:47 AM
قصيدة الهجر , قصائد عراقيه حزينة , اشعار خليجية fbimages اشعار - قصص - روايات 0 03-03-2015 03:24 PM
رسائل للفيس 2014 اجمل رسائل خليجية تحشيش ،رسائل عيد الحب خليجية fbimages رسائل حب - مسجات - SMS 0 07-03-2014 03:08 AM

سياسة الخصوصية  Privacy Policy

القسم الاسلامي اخبار مصر تفسير الاحلام صور جديدة صور فيس بوك خلفيات للموبايل رسائل حب برودكاست توبيكات واتس اب ازياء ديكور طبخ اشغال يدوية صحة المرأة نكت مضحكة اشعار قصص روايات قصص اطفال قصص مصورة كرتون

كورة


الساعة الآن 08:37 PM


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
Content Relevant URLs by vBSEO