صور 2017
  #1  
مدير عام
 
تاريخ التسجيل: Apr 2014
المشاركات: 10,142
افتراضي خشونة الركبة

خشونة الركبة

Osteoarthritis

طبعا فى كتير مننا بيعانوا منه واذا مكانش احنا يبقى امهاتنا او اجدادنا

طيب تعالوا نشوف يعنى ايه اصلا خشونة الركبة

الركبة عندنا فيها مفصلين

1- مفصل بين عظمة الفخذ وبين الصابونة Patellofemoral joint

2- مفصل بين عظمة الفخذ وعظمة الساق Tibiofemoral joint

طيب ايه اللى بيحصل فيهم بقى؟؟

على حافة كل عظمة بيكون في غضروف الغضروف ده بيبدء يتآكل يعنى بيقل فى سُمكه وحجمه
نتيجة لإلتهاب فى المفصل

وبتكون النتيجة احتكاك بين العظمتين وده اللى بيسبب الألم اللى بنحس به وصعوبة فى حركة الركبة وثنيها

طبعا تآكل الغضروف ده بيكون بدرجات مختلفة وممكن توصل فى بعض الأوقات لفقدان تام للغضروف

وعلى أساس الحالة ودرجة التآكل بتتحدد طريقة العلاج ونسبة الإستجابة له

وديه صور للمفصل فى طبيعتة واذا حصل فيه تآكل

بنسميه خشونة الركبة أو تآكل غضاريف أو روماتيزم أو احتكاك او جفاف

طيب ايه هى أسبابه؟؟

1- السمنة المفرطة >> ثقل الوزن اللى بتتحمله الركبة ( كل وزنك بيبقى نازل على ركبتك)

2-تشوهات مفصل الركبة عند الاطفال >> هناك تقوس داخلى knok knee ،، وتقوس خارجى Bow leg

3-الاصابة وكسور بالمفصل

4- المناعة الذاتية >> زى النقرس أو هشاشة العظام

5- عوامل طبيعية >> زى كبر السن وعامة نسبة حدوث الخشونة عند النساء أكبر من الرجال

نيجى لأهم نقطة وهى العلاج
أولأ وقبل اى حاجه نسأل الله الشفاء ويبقى عندنا يقين بان الشفاء بايد ربنا وحده

ثانيا ناخذ بالاسباب

هنقسم العلاج لعلاج تحفظى ( غير جراحى ) وعلاج جراحى

أ- العلاج التحفظى >> بنستخدمه مع الحالات البدائية لما بتكون نسبة الخشونة والتآكل بسيطة

-نحاول نغير من نمط حياتنا يعنى نقلل اوزاننا مثلا ولازم نتابع مع دكتور علاج طبيعي علشان نتبع التعليمات

زى مثلا تقليل طلوع ونزول السلم ،، منثنيش رجلنا تحتنا واحنا قاعدين ،، منقعدش مربعين رجلنا .......

-نستخدم كمادات دافيه على الركبه بس طبعا اذا مكانتش وارمه

- نستخدم دهانات زى كريم مووف > فعاااااااال جدااا

- ناخذ ادويه مسكنة للألم او مضاده للإلتهاب >> طبعا بالمتابعة مع الدكتور ع حسب حالتنا

انا مش بحبذ الحقن اللى بتتاخد فى الركبة لتليين المفصل
لان بيبقى غالبا فيها كورتيزون وانا بعتبره ااااااااخر الحلول

طبعا مفيش غنى عن العلاج الطبيعي
بيكون عباره عن اجهزه كهربائيه فى العياده + تمارين علاجيه

اوووووووووعى تروحىى لحد ويقنعك انك هتخفى بالاجهزه بس
لاززززززززززم التمارين علشان نقوى العضلات بنفسنا وتبدء العضله تشتغل

مينفعش حاجه من غير التانيه

وهنا هوريكم بعض التمارين اللى بنعملها فى الجلسه وممكن تتعلميها وتعمليها بنفسك فى البيت

1- الضغط الثابت للعضلة الرباعية Quadriceps setting
اللى هى عضلة الفخذ >> بنبقى فى وضع النوم على ظهرنا او قاعدين وفاردين الرجل اودامنا
ونبدء نضغط بالركبة على الارض ونشد المشط لاتجاهنا ونثبت 10 ثوانى ونريح
ونرجع نكرر تانى 10 مرات

2- الرفع المستقيم Straight leg raising
ننام على ظهرنا ونشد المشط لاتجاهنا ونرفع الرجل والركبة مفروده

3- الرفع المحدود Terminal knee extension
هنا بنستخدم فوطه نحطها تحت الركبة ونبدء نرفع الساقى من على السرير ونثبتها 5 ثوانى ونريحها ونكرر تانى 10 مرات

هى الفوطه فى الصوره مش فى مكانها الصح >> المفروض تحت الركبه

طبعا فى تمارين تانيه كتير بتتعمل اثناء الجلسة لكن ديه حاجه بسيطه بعلمك تعمليها فى البيت

نيجى ل ب- العلاج الجراحى

طبعا بنلجأ له لما تكون الحاله صعبة جداا او نكون حاولنا بالعلاج التحفظى ومجابش نتيجة

بتشمل جراحة المنظار لتنظيف المفصل ،، وعلاج تقوس الارجل بالنسبة للأطفال ،، وفى اشد الحالات بنلجأ لتغيير المفصل

واستبداله بمفصل صناعى



oa,km hgv;fm

رد مع اقتباس
إضافة رد

الكلمات الدليلية (Tags)
الركبة, خشونة

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


سياسة الخصوصية  Privacy Policy

القسم الاسلامي اخبار مصر تفسير الاحلام صور جديدة صور فيس بوك خلفيات للموبايل رسائل حب برودكاست توبيكات واتس اب ازياء ديكور طبخ اشغال يدوية صحة المرأة نكت مضحكة اشعار قصص روايات قصص اطفال قصص مصورة كرتون

كورة


الساعة الآن 06:09 PM


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
Content Relevant URLs by vBSEO